Azərbaycanda dilənçilik edənlərə 200 manat cərimə tətbiq oluna bilər

Azərbaycanda ictimai yerlərdə dilənçilik edən şəxslərlə bağlı cərimələr tətbiq olunur. Mövcud qanunvericiliyə əsasən, küçələrdə və insanların sıx olduğu məkanlarda sədəqə istəyən şəxslər inzibati məsuliyyətə cəlb edilə bilər.

Qanuna görə, dilənçiliklə məşğul olan şəxslər 200 manat məbləğində cərimə edilə bilər. Bu tədbir ictimai asayişin qorunması və vətəndaşların narahatlığının qarşısını almaq məqsədi ilə tətbiq olunur.

Hüquq-mühafizə orqanlarının bildirdiyinə görə, xüsusilə paytaxt Bakı və digər böyük şəhərlərdə bu kimi hallara daha çox rast gəlinir. Polis əməkdaşları tərəfindən keçirilən reydlər zamanı küçədə küçədə pul istəyən şəxslər müəyyən edilərək qanun çərçivəsində tədbirlər görülür.

Rəsmilər bildirirlər ki, bəzi hallarda dilənçilik mütəşəkkil şəkildə həyata keçirilir və bu cür halların qarşısını almaq üçün nəzarət tədbirləri daha da gücləndiriləcək.

Qeyd edək ki, müvafiq qaydaları pozan şəxslər barədə inzibati protokol tərtib edilir və onlar 200 manatadək cərimə oluna bilər.