XİN Pakistanın əyalətindəki terror hücumlarını pisləyib
Bakı, 1 fevral 2026 – Azərbaycan Xarici İşlər Nazirliyi (XİN) Pakistanın bir neçə əyalətində baş verən və dinc əhalinin həlak olması ilə nəticələnən terror hücumlarını qətiyyətlə pisləyib.
Nazirliyin rəsmi açıqlamasında bildirilir ki, mülki şəxsləri və təhlükəsizlik qüvvələrini hədəf alan bu cür hücumlar insanlığa qarşı ağır cinayətdir və heç bir halda bəraət qazandıra bilməz.
Açıqlamada qeyd olunub:
- Azərbaycan terrorizmin bütün forma və təzahürlərini qətiyyətlə rədd edir;
- Pakistan hökuməti və xalqı ilə tam həmrəylik ifadə olunur;
- Hücumlar nəticəsində həlak olanların ailələrinə dərin hüznlə başsağlığı, yaralananlara isə tezliklə şəfa arzulanır.
- XİN vurğulayıb ki, terrorizmə qarşı mübarizə beynəlxalq əməkdaşlıq və birgə səylər tələb edir və Azərbaycan bu istiqamətdə qlobal təşəbbüsləri dəstəkləməyə davam edəcək.
- Qeyd edək ki, Pakistanın bəzi əyalətlərində son günlər baş verən silahlı hücumlar nəticəsində ölən və yaralananlar var, bölgədə təhlükəsizlik tədbirləri gücləndirilib.
